За Нас

Во последниве 20 години сведоци сме на промената на начинот на кој учиме и се усовршуваме со помош на интернетот како револуционерна алатка за достапност до информации. Границите што до вчера претставуваа пречка во комуникацијата, работата и учењето, драстично се намалуваат со помош на новите веб-апликации. Секојдневно сме сведоци на креативноста на младите луѓе во светот и нивната желба за промена на подобро.

Ние сме дел од тие луѓе кои сакаат да ја сменат статус-кво состојбата во пристапноста на едукативните услуги во нашата поширока средина и нивна поголема и побрза реализација. Како двајца ентузијасти, љубители на технологијата и учењето, веруваме во огромната важност што ја има континуираното образованието во нашите животи.

Ние, голем дел од сопствениот живот го посветивме во формално надградување по образовни институции во нашата земја и странство. Континуираното надградување и учење сѐ уште зазема значаен дел од нашето секојдневие.

Љубовта која ја имаме кон знаењето и потребата за лично усовршување ја преточивме во изработката на оваа платформа која претставува производ на долгогодишно искуство, истражување и работа.

„Нашата цел е со примената на информатичките технологии да го модернизираме образованието, да ги победиме територијалните, институционалните и пазарните ограничувања кои постојат при давање и примање на знаењето во нашата земја и светот.“

Сакаме да формираме нов пазар на трудот каде што секој професионалец што има страст кон споделување на знаење да може тоа да го предаде на брз и едноставен начин со помош на нашата технологија, а учениците да стигнат до тоа знаење експедитивно, поедноставено и на начин кој најмногу ги задоволува потребите на индивидуата.